زرگزرانی شون اٹی زرکارآتا بشخ دوکچ آن زیارت مسنے،سینیٹر محمد اورنگزیب

کراچی، بنجائی وزیرِ خزانہ سینیٹر محمد اورنگزیب پارینے کہ پاکستان نا زرگزرانی شونداری ٹی زرکار آتا بشخ ہلنگ تدوک آ دونیم سال اٹ دوکچ آن زیات ودانے، وخت اس کہ حکومت نا ہدف میکرو اکنامک سوگوی ءِ مدامگی ترسا زرگزران ءِ بوم اینڈ بسٹ سائیکل آن کشنگ ءِ‘ پاکستان اسٹاک ایکسچینج اٹی دود آن تران کرسا وزیرِ خزانہ پارے کہ زرگزرانی شونداری کن مالیاتی سوگوی بنداوی گرج ئس، داسہ چکار مدامگی زرگزرانی سوگوی و شونداری آٹے‘ اوپارے کہ لیکویڈیٹی نا کمک اٹ وختی شونداری نا جاگہ غا مدامگی بنداو آتیا زرگزرانی ردوم ءِ شون تننگک۔ محمد اورنگزیب پارے کہ وزیراعظم نا تینا اُرا پروگرام نا رد اٹ 60 ارب روپئی جاری کننگانے،وخت اس کہ بینکنگ انڈسٹری دا پروگرام کن 340 ارب روپئی نا منظوری تسنے‘ او پارے کہ داسہ اصل چیلنج وام تا منظوری اف بلکہ سپلائی سائیڈ ءِ مستی دننگ ءِ‘ وزیرِ خزانہ پارے کہ ریٹس دا بشخ اٹی پول نا کڑد ادا کیک وخت اس کہ عارف حبیب و آباد ہاؤس ءِ ہم تینا کڑد ادا کروئی تمک۔ اوپارے کہ او اولیکو وار 29 مارچ 2024ء آ پاکستان اسٹاک ایکسچینج آ بسوسس، ہمو وخت 100 انڈیکس کساس 67 ہزار پوائنٹ آ ئس ہرا داسہ اسہ لکھ 70 ہزار پوائنٹ اسکان سر مسنے۔ او پارے کہ انڈیکس اٹی ودکی آن پد ساڑی سوب آتا جاچ ہلنگ اہم ءِ‘ وزیرِ خزانہ پارے کہ تدوک آ 20 سال اٹ کل آن زیات آئی پی اوز تدوک آ سال مس، ہرافتاکچ 11 ئس، وخت اس کہ تدوک آ دونیم سال اٹی زرکار آتا بشخ ہلنگ دوکچ آن زیات مسنے۔