حکمرانک قومی میرات آتے بہا کننگ نا پلان آ عمل کننگ اٹی ءُ‘ حافظ حسین احمد

0

Get real time updates directly on you device, subscribe now.

کوئٹہ (آن لائن) جمعیت علماءاسلام نا بنجائی ترجمان ومسکوہی سینیٹرحافظ حسین احمد پارینے کہ حکمران آک پی آئی اے تون اوار ایلو قومی میرات آتے بہا کننگ نا پلان آ عمل کننگ اٹی ءُ‘ جعلی ڈگری تا غوغاک ہندا ناپاک انگا ڈٹ انا بشخ ءُ‘ جعلی ڈگری و جعلی مینڈٹ والاک پی آئی اے و اونا میرات آتے بشخنگ کن منظم سازش و ڈٹ جوڑ کرینو‘ چار شنبے نا دے تینا ہنکین جامعہ مطلع العلوم اٹ ڈل و صحافی تتون ہیت وگپ کرسا حافظ حسین احمد پارے کہ حکومت اٹ اوار مافیا اسہ منظم و سازش اسے نا رد اٹ پی آئی اے ءِ پد بٹسا تینا مسخت آتے دوئی کننگ خواہک‘ حکومتی مافیا پی آئی اے، اسٹیل مل تون اوار ایلو قومی میرات آتے بہا کننگ نا پلان آ عمل کننگ اٹی ءِ۔ او پارے کہ نیوپارک امریکہ ٹی پی آئی اے نا میرات روز ویلٹ ہوٹل ءِ زلفی بخاری اونا واپاری سنگت آک ہلنگ خوارہ‘ داڑتون اوار پی آئی اے نا نجکاری نا باندات ہم ارے‘اوپارے کہ بنجائی وزیر ہوابازی غلام سرور پارلیمنٹ اٹ رزاکا 262 پائلٹ نا جعلی ڈگری تا ہیت ءِ کرے ایہن تو داسکان ڈگری تا باندات شکبر ءِ و پرسجو مروئی ءِ‘ بنجائی وزیر نا دا وڑ انا غیر ذمہ دارانہ و جندی فائدہ کن تروک بیان آن پد برطانیہ تون اوار یورپ اٹ پی آئی اے ناپرواز آتیا 6 تُو اکن رکھ خلنگانے۔ او پارے کہ وزیر ہوابازی غلام سرورتینا ڈگری نا باندات ءِ است آن درینے۔

Get real time updates directly on you device, subscribe now.

Leave A Reply

Your email address will not be published.