درمان نا آسراتی تا فراوانی ءِ حکومت اولیت ایتک، کیپٹن جمیل

خضدار: ڈپٹی کمشنر خضدار کیپٹن ریٹائرڈ جمیل احمد پارینے کہ اُلس نا درمان نا آسراتی تا فراوانی ءِ اولیت تننگک۔ جانجوڑی نا بشخ اٹ ریلیف نا فراوانی نا کوشست کننگک۔ خضدار سٹی و تحصیل اٹ جوڑ انگا ہند آتا جانجوڑی ٹی درکار آ وسیلہ غاتا تہٹی رہنگسا درمان نا گرج آتے ہر ممکن فراوان کننگے۔ ہسپتال آتیٹی اسٹاف ءِ تینا ڈیوٹی آ حاضر مننگ نا پارت کننگک ڈیوالئی کروک و غیر حاضر مروک آ ہیلتھ اسٹاف نا برخلاف کارروائی کننگک۔ دا خیال آتا درشانی ءِ او خضدار نا ہسپتال آتا کماش آتا میٹنگ آن تران کرسا کرے۔ دیوان اٹ جانجوڑی نا بشخ ءِ فعال کننگ کن فیصلہ کرے و ہسپتال آتیٹی اسٹاف نا حاضری ءِ پک کننگ نا پارت کرے۔ ڈپٹی کمشنر خضدار جمیل احمد نا پاننگ ئس کہ جانجوڑی نا بشخ اٹ ہچ ءُ ڈیوالئی اسے نا گنجائشت اف۔ دا اسہ ہندن ءُ بشخ اسے دانا ڈائریکٹ اُلس نا جانجوڑی تون اوار ءِ و اُلس نا درمان ہسپتال کمامدار آتا زمہ دار آتیٹی اوار ءِ۔ اوفتے ہسپتال نا کل بشخ آتے فعال کننگ و پرائم ٹائم نا پابندی کننگ نا بابت اٹ پارت کرینے۔

(خ ن)