صوبہ ٹی لیویز فورس نا واکداری کچ اٹ پبی ودکی مسنے، میر وائس

کوہلو: لیویز فورس نا 8 میکو بیج پاسنگ آوٹ نا دود ایف سی ہیڈ کوارٹر کوہلو اٹ اڈ ہلکنے۔ ہراٹی 292 کارندہ غاک بنداوی ٹریننگ ءِ پورو کریر۔ ٹریننگ نا بشخندار آتیان تران کرسا ڈائریکٹر آپریشن میر وائس پارینے کہ صوبہ ٹی لیویز فورس نا کاریم اٹ ودکی اسہ جوان ءُ سرسہبی اسے۔ امن اتنگ اٹ لیویز فورس قابل فخر کڑد اس ادا کرینے۔ لیویز فورس ءِ ساڑی کسر آ اتنگ انگ ءِ۔ ایف سی نا ٹریننگ لیویز فورس نا دا ورنا ایلو سیکورٹی فورس آتون اوار اوار جوان کارکڑد نا درشانی ءِ کیک۔ لیویز فورس نا جوانی کن کل وسیلہ غاتیان کاریم ہلیک۔ اینو نما دا کارکڑد دا کاریم نا وڑ اٹی ءِ۔ نم صوبہ نا ایلو سیکورٹی ادارہ غاتیان ہچ ءُ وڑ اسے ٹی کم افس۔ ایف سی نا افسرک ساڑی دور انا چیلنج آتے مون آ تخسا لیویز فورس ءِ بنداوی ٹریننگ، جونی فٹنس، نشان بازی نا ٹریننگ تسنے۔

(خ ن)