ملکی سلامتی کن سیاستدان و ادارہ غاک اسیجا تولر‘مفتی تقی عثمانی

0

Get real time updates directly on you device, subscribe now.

کراچی: پنی آ عالم دین مفتی تقی عثمانی ساڑی ملکی سیاسی حالیت آتے ٹی سیاستدان و ایلو ادارہ غاتے اسیجا تولسا ویل آتے ایسر کننگ ناسلاہ تسنے۔ سوشل میڈیا غا جاری کروک بیان اٹ مفتی تقی عثمانی نوشتہ کرے کہ اگہ کس انا اُراٹی بندغ آک جنگ کیر و اُراٹی خاخر لگے تو ہمو وخت آ مگہ دا شرہ کننگک کہ خاخر ءِ دیر لگے یا گڑا اسٹ نا کسر دا مریک کہ کل اواری اٹ خاخر ءِ کسفر؟ او مستی نوشتہ کرے کہ ساڑی تنکی نا اسٹ انگا ایسر ہندادے کہ کل جماعت و ادارہ غاک منافرت و دشمنی نا جاگہ غا اسیجا تولر و ملک ءِ بچفر۔ مفتی تقی عثمانی قرآن پاک نا آیت نا حوالہ ءِ ترسا پارے کہ اللہ تعالی فرماہک کہ کل مسلمانک ایلم ءُ ہنداسوب آن تینا اِرا ایلم نا نیام اٹ خیر کرفبو و اللہ غان خُلبو تاکہ نم تون رحمت نا معاملہ کننگے“ اوپارے کہ الس و بااثر بندغ آتا فرض ءِ کہ او دا قرآنی پرمان آ عمل کرسا راہشون تے اسیجا تولفنگ نا پبی کوشست کیر۔ شیخ الحدیث سوشل میڈیا غا نوشتہ کرے کہ فوج و عدلیہ بایدے سیاست اٹ نیام تمپس ولے دا وڑ انا حالیت آتے ٹی جماعت آتے اسیجا تولفسا کنڈہلپرسا ملک انا فائدہ و قومی سلامتی کن ویل ءِ ایسر کننگ اوفتا فرض ءِ‘ اللہ تعالی دانا توفیق ایتے۔آمین۔

(مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.