اے سی آفس ڈیرہ مراد جمالی نا دنگ اٹ رمضان اڑزان بازار اڈ تننگا

تمبو: وزیراعلی بلوچستان میر عبدالقدوس بزنجو چیف سیکریٹری عبدالعزیز عقیلی کمشنر نصیرآباد بشیراحمد بنگلزئی نا خاص ءُ پارت اسے آ ڈپٹی کمشنر نصیرآباد گودی عائشہ زہری نا کماشی ٹی ضلعی انتظامیہ نصیرآباد  میونسپل کمیٹی ڈیرہ مرادجمالی نا چیئرمین میر صفدر خان عمرانی نا کمک اٹ اسسٹنٹ کمشنر آفیس ڈیرہ مرادجمالی نا ہیب کیب اٹ روچہ اڑزان بازار خلنگا۔ ہراٹی نت انا  اسٹال یوٹیلیٹی اسٹور ہول سیل نا دکان تیکن اسٹال تون اوار ایلو کن خور نا گڑا، سو، مچھی، فروٹ، سوزی تا اسٹال خلنگانے۔ 200روپئی  والا کوٹغ 100 روپئی گلو ہم نیمہ نہاد آ بہا کرے و روچہ ٹی  15 آن 20  درسد رعایت تننگانے۔ ہرانا بننگ تون اُلس نا بھلو کچ اس سر مس۔ اڑزان بازار اٹ یوٹیلیٹی اسٹور و محکمہ فوڈ بلوچستان نا کنڈآن السعد فلو مل نا کنڈآن اڑزان نت انا اسٹال خلکوسر۔ ہراڑے شاریک اڑزان نت ہلنگ اٹی ءِ۔ مری پولٹری فارم ڈیرہ مراد جمالی نا کنڈآن مری نا سو آ فی کلو 50 روپئی نا رعایت تون فی کلو 480 روپئی ٹی بہا کرے۔ اڑزان بازار اٹ چیئرمین مارکیٹ کمیٹی ڈیرہ مراد جمالی میر آصف جان لہڑی نا کنڈآن ڈپٹی ڈائریکٹر عبیداللہ پندرانی نا نگرانی ٹی سوزی و فروٹ نا اسٹال خلنگاسر۔ ہراڑے نیمہ نہاد آ سوزی و فروٹ بہا کریر۔ اڑزان بازار نا نگرانی اسسٹنٹ کمشنر ڈیرہ مراد جمالی سردار زادہ اسد اللہ سمالانی، تحصیلدار ڈیرہ مرادجمالی مجیب الرحمن ساتکزئی، چیف آفیسر میونسپل کمیٹی حاجی خان جونیجو کرسا کریر۔ او وخت آ انجمن تاجران نا صدر کامریڈ تاج بلوچ،تارا چند،میر جان مینگل،ہرپال داس پہوجہ،علی محمد ہانبھی،لیاقت چکھڑا،انجمن تاجران و دکاندار تا صدر خان جان بنگلزئی، مختیار احمد جتک ٹاؤن کمیٹی نا انچارج بابو اصغر رند ہم اوڑتون اوار ئس۔ ڈپٹی کمشنر نصیرآباد محترمہ عائشہ زہری روچہ بازار نا دورہ ءِ کرے۔