کورونا دین نا ناجوڑ آتے پین ہچ ءُ جاگہ اسے آ دپننگ اُن، لیاقت شاہوانی
Get real time updates directly on you device, subscribe now.
کوئٹہ (آن لائن) ترجمان حکومت بلوچستان لیاقت شاہوانی کوئٹہ غان سے کورونا دَین نا ناجوڑ آتے تربت، قلات، چمن، نصیر آباد و ایلو ضلع غاتے ٹی گدریفنگ نا تردید ءِ کرسا پارینے کہ الس دن انگا ہوکاتیا خف توپ۔ ترجمان حکومت بلوچستان لیاقت شاہوانی تینا جاری کروک بیان اٹ کوئٹہ غان کورونا دَین نا زہمی بندغ آتے ایلو ضلع غاتیا گدریفنگ نا سختی اٹ تردید ءِ کرسا پارے کہ منٹ اس کوئٹہ غان کورونا دَین نا زہمی تے تربت، قلات، چمن، نصیر آباد وایلو ضلع غاتیا گدریفنگ نا ہوکا تالان کننگ اٹی ءُ ہراکہ راست افس‘ الس دا وڑ انا ہیت آتیا خف توپ‘ حکومت جتا جتا ضلع غاتے ٹی کرنٹائن و آئسولیشن نا آسراتی ہمو ضلع غاتا الس کن تیار کننگ اٹی ءِ۔