زندہ غا قومک تینا ربیدگی تاریخ نا رکھ آ کاریم کیرہ، جام کمال

0

Get real time updates directly on you device, subscribe now.

کوئٹہ:  وزیراعلیٰ بلوچستان جام کمال خان پارینے کہ ننا صوبہ چندی قوم، قبیلہ و رنگ و نسل آتیان تعلقدار بندغ آتا گلدستہ اسے‘ ننا صوبہ نا یکتا غا ربیدہ‘ روایت و تہذیب و تمدن دا جاگہ نا رہینگوک آتا پجارءِ۔ بلوچ کلچر ڈے انا رد اٹ وزیراعلیٰ بلوچستان تینا کلہو اٹ پارینے کہ زندہ و پامدار آ قومک تینا ربیدہ و روایتی اقدار و تاریخی میرات نا رکھ ءِ کیرہ و دا دے ءِ اڈتننگ نا مسخت ہمو غٹ روایت‘ ربیدہ‘ یکتا غا زند انا وڑ وڈول ءِ جوان سرپند مننگ و اودے مدام زندہ تخنگ ناکوشست اسے۔بلوچستان نا ادبی تاریخ اٹ بلوچ شاعر‘ ادیب‘ تاریخ دان‘ مصنف آک صوبہ نا تہذیبی، ربیدگی‘ تاریخی و روایتی ترجمانی ءِ گچین وڑ اٹ کرینو‘ صوبہ نا بلوچی ادب نا تاریخی اعتبار اٹ پاش آ پن و روشنا غا استار میر گل خان نصیر، عطاء شاد، عبدالقیوم بلوچ، سید ظہور شاہ، صدیق اکبر وایلو غٹ شاعر وادیب آک تیناکلام تے ٹی مدام بلوچ قوم ءِ ملی یگانگت، ہم آہنگی، قومی یکجہتی، بہادری، سنت وسیوت و ہر وڑ انا تعصب آن ایڑتر مثبت و تعمیری سوچ انا سبخ تسنو‘ اینو نا ورناتے ہندا غٹ جوان انگا پہلو تے مون آ تخسا بلوچستان نا تعمیر و شونداری ٹی فعال کڑد ادا کننگ ناگرج ءِ تاکہ راج و صوبہ نا جوان درشانی و ترجمانی مرے۔وزیراعلیٰ پارے کہ بلوچ کلچر ءِ روایتی ہندی چاپ و لویس نا وڑ جتا کیک وخت اس کہ بلوچ آتا مہمان نوازی ءِ تاریخ اٹ مدام یات تخنگک۔ بلوچ مصنف آک نوشت آتے ٹی رواداری، سگ‘ تحمل مزاجی، میانہ روی آ عمل کرسا اجتماعیت نا شونداری نا سبخ تسنو‘اینو نا دے ننے ہندا غٹ جوان انگا اصول آتیا پورو وڑ اٹ عمل کننگ ناسبخ ایتک و تخریبی سوچ انا نفی ءِ کرسا اسہ تعمیری راج اس جوڑ کننگ ناکنڈآ دیک۔

(آن لائن)

Get real time updates directly on you device, subscribe now.

Leave A Reply

Your email address will not be published.