کوئٹہ نا ایب کیب انا علاقہ غاتا شونداری کن کوشست کننگ اُن، جام کمال

کوئٹہ(آن لائن)وزیراعلیٰ بلوچستان جام کمال خان پارینے کہ حکومت بلوچستان صوبائی دارالحکومت کوئٹہ نا ہیب کیب نا علاقہ غاتیٹی اُلس ئِ آسراتی تننگ نا خواہندار ئِ وخت اس کہ شار اکن جوڑ مروک آ ماسٹرپلان گڈیکو مرحلہ غاتیٹی ئِ۔ دیر تون اوار ایلو زند انا گرج آتا فراوانی ئِ پک کننگ کن ہنگامی بنداو آتیا گام گیج کننگ انگ ئِ، شار اٹ 6سپورٹس کمپلیکس، سیل و سواتی آسراتی، مواصلاتی نظام نا جوانی آ خاص سجفنگ انگ ئِ، کورونا وائرس نا ایس اوپی تیا عملدرآمد کاختی نا گواچی ئِ، سینیٹ نا خالی آ نشست آ گچین کاری تیٹی اتحادی جماعت آتون ملسا بشخ ہلینہ، دا خیال آتا درشانی ئِ او نواں کلی ٹی جوڑ مروک آ باچا خان ہسپتال نا دورہ نا وخت آ میڈیا نمائندہ آتون ہیت وگپ کرسا کرے۔ او وخت آ صوبائی وزیر تیان انجینئر زمرک خان اچکزئی، میرضیاءاللہ لانگو، میر سلیم کھوسہ، عبدالخالق ہزارہ، پارلیمانی سیکرٹری بشریٰ رند و ایلوفک ساڑی ئسر۔ وزیراعلیٰ بلوچستان پارینے کہ نواں کلی ٹی باچاخان ہسپتال نا دورہ ئِ کرینے، کوئٹہ ٹی جانجوڑی نا آسراتی تے مون آ تخسا صوبائی حکومت دا کوشست ئِ کرے انتئے کہ کوئٹہ شار بھاز تالان مننگ اٹی ئِ و داڑے بائی پاس جوڑ مننگ اٹی ئِ، کوئٹہ نا تہٹی پُوسکن ئُ شار جوڑ مریک۔

talarpub.com