سلاہ ئی 2026 ایکٹ پورو وڑ اٹ صوبائی واکداری و گرج آتا رداٹ شین تننگانے، شکیل قادر خان
Get real time updates directly on you device, subscribe now.
چیف سیکرٹری بلوچستان شکیل قادر خان نا کماشی ٹی بلوچستان پرائس کنٹرول و کٹیا کاری و کوڑی کاری نا توننگ ایکٹ 2026 نا رد اٹ دیوان اڈ ہلک۔ دیوان اٹی صوبائی حکومت صوبہ ٹی نہاد آتا سوگوی، ناروا کٹیا کاری نا توننگ و السی فائدہ غاتا رکھ اکن اسہ جامع کانودی مسودہ “بلوچستان پرائس کنٹرول اینڈ پریوینشن آف کٹیاکاری و کوڑی کاری ایکٹ 2026” تیار کرینے۔ دا وخت آ دیوان ءِ پاننگا کہ دا سلاہ ئی کانود 1977 نا متکن آ بنجائی فریم ورک نا جاگہ ءِ ہلیک و صوبائی کہول آ بھرمی نفاذ کن پوسکنوڑ و سوگو انتظامی پنجر و کارروائی تے پک کیک۔ 18 میکو ترمیم آن پد نہاد آتا کنٹرول صوبائی سرحال ءِ‘ ساڑی 1977 نا ایکٹ بنجائی دور انا اسے۔ سلاہ ئی 2026 ایکٹ پورو وڑ اٹ صوبائی واکداری و گرج آتا رِد اٹ شین تننگانے۔ سلاہ ئی کانود اٹی پرائس کنٹرول کونسل، صوبائی کنٹرولر جنرل و ڈپٹی کمشنر آتے ضلع کنٹرولر نا وڑ اٹ پندار کننگ تون اوار اسہ گچین کمانڈ اسٹرکچر اس پیدوار کننگانے تانکہ ترند، گچین و حسابی کارروائی پک کننگ مرے، و دا مسودہ کانود ساڑی صوبائی کابینہ ءِ پیش کننگک تانکہ سلاہ درشانی و درکار ترمیم آن پد اودے صوبائی اسمبلی ٹی پیش کننگ مرے۔ تعلقدار اسٹیک ہولڈر وزارتِ کانود، محکمہ کموڈٹی مینجمنٹ، ضلعی انتظامیہ و پوریاگر نمائندہ غاتے سلاہ و مشورہ ٹی اوار کننگک۔