خاران اٹی سلہہ بند راہزنی تا برخلاف پوریاگر آتا ہڑتال
Get real time updates directly on you device, subscribe now.
تدوک آ دے خاران بازار اٹی دے پاک اٹ نادرست سلہہ بند بندغ آتا کنڈ آن دُکان تا پلنگ نا برخلاف انجمن تاجران خاران نا خواست آ بازار اٹی پورو شٹر ڈاؤن ہڑتال کننگا۔ خاران نا کل چنکا و بھلا پوریاگر ہند و مالیاتی ادارہ غاک پورو وڑاٹ بند ئسر وخت اس کہ انجمن تاجران نا صدر شیخ منیر احمد نا کماشی ٹی بازار نا جرگہ اڈ ہلک۔ جرگہ غان شیخ منیر احمد، مفتی عباد الرحمن، امیر عادل نوشیروانی، طاہر محمد حسنی، پوریاگر حاجی محمد عارف محمدحسنی و ایلو راہشونک تران کرسا پاریر کہ خاران اٹی امن و ایمنی نا حالیت بھاز خراب مسنے۔ نن نیمہ غا دُکان و موٹر سائیکل شوروم تا کلف آتے پرغنگک و دے پاک اٹی ہول سیل دُکان و موبائل شاپ آتے پلنگک۔ کیہی وار خاران انتظامیہ و پولیس نا کنڈ آن باور کرفنگانے ولے عملی وڑاٹ ہچ ءُ کارروائی اس مون آ بتنے۔