کوئٹہ ہائی کورٹ بار نا جسٹس روزی خان بڑیچ کن بیا بخیری دود

کوئٹہ ہائی کورٹ بار ایسوسی ایشن نا کنڈ آن جسٹس روزی خان بڑیچ نا شرف اٹی بیا بخیری دود اڈ تننگا، ہراٹی بنجائی آئینی عدالت نا کوئٹہ رجسٹری نا جوڑ کننگ نا ستاءِ کرسا اودے بلوچستان نا الس کن اسہ تاریخی ءُ گام اس گوندنگا۔ دود انا شریدار آک بنجائی آئینی عدالت نا کوئٹہ رجسٹری نا جوڑ کننگ آ چیف جسٹس امین الدین خان نا ستاءِ کرسا پاریر کہ دا گام آن بلوچستان نا شاری، خاص وڑاٹ حقدار سوالی تے آئینی مقدمہ غاتا بابت اسلام آباد آہننگ نا گرج اٹی نمان کمتی بریک و وخت آ انصاف نا فراوانی آسان مریک۔ دا وخت آ جسٹس روزی خان بڑیچ پارے کہ بنجائی آئینی عدالت نا کوئٹہ رجسٹری نا جوڑ کننگ آئینی انصاف نا شون نا کنڈ آ اسہ اہم و جوان ءُ گام اسےِ، ہرا الس ءِ اوفتا درگہ غا انصاف نا فراوانی ٹی کمکار مریک۔