ٹیکس فری بجٹ وزیراعظم عمران خان نا الس دوستی نا درشانی ءِ، سینیٹر شبلی فراز
Get real time updates directly on you device, subscribe now.
اسلام آباد (اے پی پی) بنجائی وزیر حوالکاری و شینکاری سینیٹر شبلی فراز پارینے کہ جہانی کساد بازاری و ملکی زرگزرانی چیلنج آتا رداٹ ٹیکس فری بجٹ وزیراعظم عمران خان نا الس دوستی نا درشانی ءِ، بجٹ اٹی سلاہ کروک گام گیج آتیان زرگزران نا پہیہ چلینگک و روزگار نا پوسکن ءُ کسر ملنگک۔ سے شنبے نادے آ سینیٹر شبلی فراز تینا ٹویٹ اٹی پارے کہ 41 وونٹ آتا گیشتری اٹ بجٹ منظوری پیدوار شاہدی اسے کہ پی ٹی آئی و سیوتیک عمران خان نا کماشی ٹی متحد و یکجا ءُ۔ اپوزیشن بے پک ءُ ماحول اس ودی کرسا الس اٹ مایوسی تالان کننگ نا بے سہب کوشست کرے و تینا سیاسی سوچ انا خورکی نا درشانی ءِ کرے۔