الس نا آسودہی نا بابت شونداری ڈٹ آتیا ترندی اٹ کاریم برجاءِ‘ڈپٹی کمشنر مستونگ
Get real time updates directly on you device, subscribe now.
مستونگ (خ ن) ڈپٹی کمشنر مستونگ نا چاروکی ٹی ضلع مستونگ و ایب کیب اناعلاقہ غاتے ٹی الس نا آسودہی نا بابت شونداری ڈٹ آتیا ترندی اٹ کاریم برجاءِ‘ ہرافتے ٹی بھاز آ ڈٹ آک پورو مسنو وخت اس کہ ایلو برجا ڈٹ آتیا ترندی اٹ کاریم برجاءِ‘ ڈپٹی کمشنر مستونگ پارے کہ سلاہی ڈٹ آتیان علاقہ ناالس ءِ فائدہ مریک واوفتا ویل آک اولیتی بنداو آ ایسر مریرہ۔او پارے کہ پورو مروک ڈٹ آتے ٹی ساراوان پبلک لائبریری ءِ پوسکن آ خواست آتون ہمگرنچ کننگ و آسراتی تا فراوانی تون اوار زیبائی ءِ ہم پک کننگانے‘ بندغ آتے کمپوٹرائزڈ لوکل و ڈومےسائل جوڑ کننگ ءِ شفاف بنداو آ نےشنل ڈےٹابےس رجسٹرےشن اتھارٹی نا نظام تون گنڈنگانے ہرانا سوب آن اوفتا لوکل و ڈومےسائل سرٹےفکےٹ آتے شفاف وڑ اٹ جوڑ کننگک وخت اس کہ مستونگ و وایب کیب انا علاقہ غاتے ٹی سڑک آتیا سائن بورڈ خلنگانے ہرانا سوب آن شار انا زیبائی تون اوار پیشن آن بروک مسافر آتے آسانی مریک۔