قلات‘کورونا ٹائیگر فورس نا رضاکار آتے آگاہی تننگا
Get real time updates directly on you device, subscribe now.
قلات (فیض نیچاری ) ضلع کونسل ہال قلات اٹ کورونا ٹائیگر فورس نارجسٹرڈ رضاکار آتیکن آگاہی دود اڈ ہلک‘ رضا کار آتے کاریم نا بابت آگاہی ہم تننگا‘ داوخت آ ایڈیشنل ڈپٹی کمشنر سید مقصود شاہ ہم ساڑی ئس۔ ڈبلیو ایچ او نا ڈاکٹر ممتاز رضا کارآتے کووڈ 19 نا بارو اٹ معلومدار فراوان کرے و کورونا وائرس نا تالانی و داڑان بچفنگ کن رکھی گام گیج آتا بابت جم وڑاٹ معلومداری تس وخت اس کہ اوفتے تینا تینا یوسی و ایریاتے ٹی کاریم کننگ نا بابت معلومداری ہم تننگا‘ او پارے کہ کورونا وائرس جہانی ءُ دین اسے و دانا تالانی ءِ توننگ کن نن بایدے رکھی گام گیج کین انتئے کہ دا ناجوڑی ءِ درمان اف و بچنگ نا اسٹ انگا کسر رکھی گام گیج ءِ۔ او پارے کہ ٹائیگر فورس بندغ آتے ٹی بے پنداوڑی آن شعور و آگاہی فراوان کرسا کورونا نا علامت پاش مروک ناجوڑ آتے رکھی گام گیج کننگ کن کاریم کیک۔ دا اسہ اعزازی ءُ کاریم اسے۔ رضاکار آک ایمانداری واستخواہی اٹ کاریم کرسا علاقہ ءِ کورونا غان بچفنگ کن تینا کڑد ءِ ادا کیر۔