ڈی ایچ او قلات ناکنڈآن راجی کارندہ خلیل شادیزئی آ دوبہ نا مذمت ءِ کینہ‘شاہ خالد مینگل

قلات (تلار حوالکارفیض نیچاری) پاکستان تحریک انصاف نا صوبائی راہشون ٹکری شاہ خالد مینگل پارینے کہ انسانی حقوق کمیشن آف پاکستان قلات ڈویژن نا صدر و راجی راہشون خلیل شادیزئی آ ڈی ایچ او قلات ناکنڈآن خلوک دوبہ غاتا مذمت ءِ کینہ‘ او نابود ءُ افسر اس مننگ ناسوب آن بھلو وخت اسے آن ضلع قلات اٹ انتظامی پوسٹ آ تولوک ءِ اونا کارکڑد نا اندازہ داڑان خلنگ مریک کہ ضلع قلات اٹ محکمہ جانجوڑی بیرہ پن اناءِ۔ او پارے کہ خلیل شادیزئی راجی کارندہ سے اونا الس نا خذمت ءِ کرینے‘ تدوک آ کیہی سال تیان انسانیت کن کاریم کننگ اٹی ءِ‘ خلیل شادیزئی ڈی ایچ او قلات ءِ الس نا خذمت و انسانیت کن شکست اٹ ٹھپی مروک آتے آسودہی تننگ نا ہیت ءِ کرے تو او ڈی ایچ او تینا نابودی ءِ ڈکنگ کن راجی کارندہ غا دوبہ خلک ہرانا نن مذمت ءِ کینہ۔ اوپارے کہ پی ٹی آئی شاری سے تون بے انصافی مننگ کن الیپک۔