اوستہ محمد‘گورنمنٹ بوائز ہائی اسکول اٹ منی فٹبال اسٹیڈیم جوڑ کننگ آن تعلیم زہمی مریک‘بی ایس اوپجار
Get real time updates directly on you device, subscribe now.
اوستہ محمد(آن لائن) بی ایس او (پجار)اوستہ محمد زون نا ترجمان پارینے کہ گورنمنٹ بوائز ہائی اسکول اوستہ محمد اٹ منی فٹبال اسٹیڈیم جوڑ کننگ اسہ غیر سنجیدہ ءُ گام اسے ہرانا سوب آن اسکول اٹ طالب علم آتا تعلیم زہمی مریک۔ بی ایس او (پجار) دافیصلہ ءِ اسُل منپک و دا فیصلہ نا پبی مخالفت ءِ کیک۔ ترجمان مستی پارے کہ گورنمنٹ بوائز ہائی اسکول اوستہ محمد اسہ تاریخی ءُ اسکول اسے ہراٹی مچ آشار و خڑک انا خلق آتا چناک خوانرہ‘ اسکول اٹ منی فٹبال اسٹیڈیم جوڑ مننگ آن اسکول اٹ رش مریک ہرانا سوب آن اسکول ناتعلیمی نظام بھاز زہمی مریک۔ اسکول نا تہٹی منی فٹبال اسٹیڈیم جوڑ کننگ جوان ءُ گام اس اف مہالو آن اسکول اٹ ہن وبر ناکسر نا سوب آن اسکول نا وخت وپاس اٹ بندغ آتا ہن وبر آن اسکول نا تعلیمی نظام زہمی مسکہ۔