پاکستان اوغان امن عمل اٹ کمکاری ٹی اہم کڑد ادا کرینے، عبداللہ عبداللہ 

اسلام آباد (اے پی پی) اوغانستان نا مفاہمتی کونسل نا چیئرمین ڈاکٹر عبداللہ عبداللہ پارینے کہ پاکستان اوغان امن عمل اٹ کمکاری ٹی اہم کڑد ادا کرینے، اوغانستان وخت اس ہم دہشت گرد تنظیم آتے تینا گل زمین ءِ پین اسے نا برخلاف کاریم اٹ اتنگ نا موکل تفک۔ سے شنبے نادے آ انسٹیٹیوٹ آف اسٹریٹجک سٹڈیز اٹ اڈ ہلوک آ کانفرنس آن تران کرسا اوپارے کہ پاکستان و اوغانستان ہڑتوم آک چندی دہشت گرد تنظیم آتا کنڈآن تخریبی سرجز آتون مون ترسا بھلو قیمت اس ادا کرینے، ننے داوڑنا زموار آتا برخلاف کمک کننگ نا گرج ءِ۔ عبداللہ عبداللہ پارے کہ ننا ملک کس ءِ ہم تینا گل زمین ءِ پین ملک اسے نا برخلاف تخریبی سرجزآتیکن کاریم اٹ اتنگ نا موکل تفک۔ اوغان بڑزکو کہولی مفاہمتی کونسل نا چیئرمین پارے کہ اوغان حکومت و طالبان تا نیام اٹ مذاکرات نا بنااسہ اہم ءُ موقع اسے و مرغنا جنگ انا چٹفنگ نا روشنا اومیت ودی مسنے۔ اوپارے کہ نن تینا مذاکراتی ٹیم ءِ صبر کننگ و سمجھوتہ کننگ کن تیار سلنگ نا پارت کرینن۔