بلوچستان اٹ زرکار دوست چاگڑد اسے تا گرج ءِ، جام کمال خان

کوئٹہ (خ ن) وزیراعلیٰ بلوچستان جام کمال خان پارینے کہ بلوچستان ٹی جتا جتا بشخ آتیٹی ساڑی سرمایہ کاری نا وارخواہی تیان فائدہ ہرفنگ کن سرمایہ کار دوست چاگڑد اسے نا جوڑی و ہندن انگا پالیسی تا گرج ءِ ہرافتے آن سرمایہ کار آتے کل (آسراتی) (است ءِ چکوک گڑا) اسہ بامب انا کیرغ آن ملار و او اعتماد تون اوار داڑے سرمایہ کاری کننگ کے۔ حکومت نا کاریم بزنس کمیونٹی ءِ آسراتی تننگ ءِ، دا مسخت نا دوئی کننگ کن بلوچستان بورڈ آف انویسٹمنٹ اینڈ ٹریڈ ءِ کل اختیار آتون فعال جوڑ کننگانے، دا خیال آتا درشانی ءِ او بی بی او آئی ٹی نا اسٹیئرنگ کمیٹی نا اولیکو دیوان نا کماشی ءِ کرسا کرے ہراٹی بلوچستان اٹی کاروبار ءِ جوان کننگ کن سیل انا جوڑ کننگ نا منظوری تس، چیف سیکریٹری بلوچستان فضیل اصغر، ایڈیشنل چیف سیکریٹری ڈٹ بندی و شونداری، سینئر باسک بورڈ آف ریونیو، سیکرٹری خزانہ، سیکریٹری لوکل گورنمنٹ، سیکریٹری حوالکاری اور ایڈیشنل سیکریٹری محکمہ صنعت ہم بشخ ہلک وخت اس کہ ایگزیکٹیو آفیسر بی بی او آئی ٹی فرمان زرکون دیوان ءِ سیل نا جوڑ کننگ نا بابت اٹ تفصیل اٹ بریفنگ تس۔