پاکستان بدل مسنے، شہباز شریف عدالت نا است ءِ جم کننگ کتو، سینیٹر شبلی فراز 

اسلام آباد(آن لائن) بنجائی وزیر حوالکاری و شینکاری سینیٹر شبلی فراز پارینے کہ پاکستان بدل مس، کس اس ہم کانود آن بڑز اف، شہبازشریف عدالت آتے مطمئن کننگ کتو ہندا سوب آن دزگیر مس، شہبازشریف نا عمران خان تون بدلہ کرینگ تننگ نا وڑ اٹی ءِ، عمران خان ءِ سپریم کورٹ صادق و امین پن کرے۔ وخت اس کہ خاص انگا کمکار برائے احتساب شہزاد اکبر پارینے کہ شہبازشریف 16 بندغ آتے منظم گینگ انا کمک اٹ منی لانڈرنگ کرے، 4 دزگیر آ بندغ آک دوبہ ءِ منانو، منی لانڈرنگ نا پیسہ تینا اُرائی نا اکاؤنٹ اٹ گدریفنگ آن پد جندی اکاؤنٹ اٹ ہم گدریفنگ نا شاہدی ساڑی ءِ۔