وزیراعظم ڈویلپمنٹ پروگرام : سندھ انا ڈٹ آتے کن 3565 ملین روپئی جتا
Get real time updates directly on you device, subscribe now.
اسلام آباد (اے پی پی) وزیراعظم ڈویلپمنٹ پروگرام نا رداٹ بنجائی حکومت سندھ انا چندی ضلع غاتیٹی شونداری ڈٹ و جان جوڑی نا بنداوی ہند آتیکن اینخو مالی سال 2020-21ئنا رداٹ کابینہ ڈویڑن نا چندی ڈٹ آتیکن 3565.684 ملین روپئی جتا کرینے۔ کابینہ ڈویڑن نا کمامدارآتارداٹ بنجائی حکومت صوبہ سندھ انا چندی ضلع غاتیٹی وزیراعظم ڈویلپمنٹ پروگرام نا پوسکن آ ڈٹ آتیکن فنڈ جتا کرینے و داڈٹ آتیٹی شہید بینظیر آباد، لاڑکانہ و سکھر نا چندی ڈٹ آتیکن اینخو مالی سال انا سرکاری بشخ انا شونداری پروگرام اٹی 1886.243ملین نا پوسکن آڈٹ انا فنڈ جتا کرینے وخت اس کہ حیدر آباد و میر پور خاص ڈویڑن نا چندی شونداری ڈٹ آتیکن 1373.441 ملین روپئی جتا کرینے و ہنداوڑ سندھ انا چندی ضلع غاتیٹی جان جوڑی نا بنداوی ہند آتیکن 306 ملین روپئی جتا کرینے وخت اس کہ وزیراعظم ڈویلپمنٹ پروگرام نا رداٹ چندی شونداری ڈٹ آتیکن جم وڑاٹ 3565.684 ملین روپئی جتا کننگانے۔