پاکستانی ٹیم ویسٹ انڈیز آن جوان ءِ‘انگلینڈ ءِ سرپرائز کننگ نا لائخی تخک‘مائیکل وان

لندن (مانیٹرنگ ڈیسک) مسکوہی انگلش کیپٹن و ساڑی کمنٹیٹر مائیکل وان پاکستانی ٹیم ءِ ویسٹ انڈیز آن جوان پن کرسا پارینے کہ او انگلینڈ ءِ سرپرائز کننگ نا لائخی تخک، کیریبین ٹیم ءِ کمتر گوہندنگ جوان اف ولے مرغن انگا فارمیٹ اٹ پاکستان سائیڈ بھاز جوان گوہندنگک۔ بروک آ ہفتہ ٹی بنا مروک آ سیریز نا بے چینی آن انتظاری اُن، بابراعظم و اظہرعلی آمبار انگا ہائی کوالٹی بیٹسمین انگلش کنڈیشن نا جوان ءُآزموندہ تخرہ، اولیکو بیٹنگ کرسا بھلو اسکور کننگ نا پلاننگ کینہ۔ حوال نا رداٹ پاکستان و انگلینڈ نا نیام اٹ مسہ ٹیسٹ میچ انا سیریز نا بنا 5 اگست آن اولڈ ٹریفرڈ نا پِڑ آ مریک ہراڑکن ماہرک داسی آن اندازہ خلنگ ءِ بنا کرینو او 45 سال نا مسکوہی انگلش کیپٹن مائیکل وان پارینے کہ پاکستانی ٹیم اٹ داخس لائخی ارے کہ او انگلینڈ ءِ اونا گراؤنڈ اٹ سرپرائز کننگ کے وخت اس کہ گرین شرٹ مہماندار ٹیم کن ویسٹ انڈیز نا مقابلہ ٹی سخت چیلنج مریک۔ اونا پاننگ ئس کہ او ویسٹ انڈین ٹیم ءِ کمتر گوہندنگ انگ نا کوشست ءِ کننگ اٹی ءِ ولے پاکستانی ٹیم ٹیسٹ میچ آتیٹی ویسٹ انڈیز آن جوان ثابت مریک او ہندا سوب ءِ کہ او بروک آ ہفتہ ٹی بنا مروک آ سیریز نا بے چینی اٹ انتظار ءِ کننگ اٹی اُن ہرا اسہ ایلو ءِ لتاڑنگ کننگ اٹی ءِ۔ مائیکل وان پارینے کہ دورہ غا بروک آ پاکستانی ٹیم انگلینڈ ءِ فریشان کیک، اگہ ہوم ٹیم ہنداوڑ نا گوازی کرے ہراوڑ کہ او ویسٹ انڈیز نا برخلاف اولیکو ٹیسٹ اٹ ساؤتھمپٹن اٹ گوازی کریسُس۔ مسکوہی انگلش کیپٹن ءِ پام ءِ کہ پاکستانی ٹیم مقابلہ نا وڑ ءُاسکور اس بورڈ آ سجائفنگ کن کیپٹن اظہرعلی و بابر اعظم نا لائخی تیا بھروسہ کیک۔ ہرافک راستی ءُدو انا ہائی کوالٹی بیٹسمین و انگلش کنڈیشن آتیٹی گوازی کننگ نا جوان آزموندہ تخنہ۔ پاکستان ءِ جوان ءُٹیم اس گوہندسا او پاریسُس کہ بال انا دو ٹی بننگ آن پد کہ بال انا دو انا بننگ آن پد اونا استعداد کار نا لیول بھاز بھلن تکنگک۔ او اگہ پاکستانی ٹیم اولیکو بیٹنگ کرے تو پام ارے کہ اونا اولین ڈٹ بندی ہندا مریک کہ اسکور بورڈ آ بھلو اسکور اس جوڑ کننگ کیرہ۔