فٹبال چائنا سپر لیگ نا بنا‘ ووہان نا ٹیم چینگ داؤ ءِ بے سہب کرے
Get real time updates directly on you device, subscribe now.
بیجنگ (مانیٹرنگ ڈیسک) فٹبال چائنا سپر لیگ نا بنا ہم مسنے۔ کورونا آن زہمی آ ووہان نا ٹیم چینگ داؤ ءِ بے سہب کرے۔ اسٹیڈیم خالی مننگ نا سوب آن شیدائیک بھلا اسکرین تا مون آ مُچ مسر و میچ ءِ انجوائے کریر۔ حوال نا رداٹ لاک ڈاؤن اٹی چین نا جتا جتا صوبہ غاتے ٹی فٹبال نا مقابلہ غاک بنا مسنو۔ سپر لیگ نا بنائی میچ اٹ کورونا آن زہمی آ ووہان نا چینگ داؤ تون مقابلہ مس۔ چینگ داؤ جوان ءُ گوازی اس کرے۔ ٹیم تینا رکھ ءِ سوگو کرسا جوان ءُ جلہو کرے و 2-0 ٹی سرسہبی دوئی کرے۔ لاک ڈاؤن ایس او پی تا خاص خیال ءِ تخسا شیدائیک آن لائن و اسکرین تیا میچ ءِ ہُرار وخت اس کہ جوان پرفارمنس آ ستا ءِ ہم کننگا۔ سپر لیگ نا ٹائٹل ءِ کٹنگ کن چینی ٹیمک جوان کوشست کننگ ءِ بنا کرینو۔ چمپئن ٹیم ءِ فیفا کلب ورلڈ کپ اٹ نمائندگی رسینگک۔