شاہد آفریدی نا پنجاب نا وزیر گوازی تیمور خان بھٹی تون اوڑدہی
Get real time updates directly on you device, subscribe now.
لاہور (مانیٹرنگ ڈیسک) وزیر گوازی پنجاب تیمور خان بھٹی تون مسکوہی کیپٹن قومی کرکٹ ٹیم شاہد آفریدی اوڑدہی کرے ۔ اسٹار کرکٹر شاہد آفریدی پارینے کہ کورونا لاک ڈاءون آن پد کرکٹ نا بابت اٹ اسپورٹس بورڈ پنجاب تون کاریم کیوہ ۔ مسکوہی کیپٹن قومی کرکٹ ٹیم شاہد آفریدی پنجاب انٹرنیشنل سوئمنگ کمپلیکس لاہور نا دورہ ءِ کرے و وزیر گوازی تیمور بھٹی تون اوڑدہی ہم کرے ۔ او وخت آ وزیر گوازی پنجاب و شاہد آفریدی گوازی تا جوانی کن اواری ٹی کاریم کننگ آ امنائی کریر ۔ تیمور بھٹی پارینے کہ شاہد آفریدی ننا ہیرو اسے و اونا کرکٹ کن کروک آ خدمت آتے ہر وخت یات تخنگک ۔ وزیر گوازی پنجاب پارینے کہ گرین اسپورٹس پراجیکٹ نا رداٹ خلق آتا کہول آ گوازی تا گراءونڈ آتے آباد کننگک ۔ 40 سال نا شاہد آفریدی اسپورٹس سیکٹر اٹ مروک آ ڈویلپمینٹ آ حکومت پنجاب ءِ مبارکبادی تس و او وخت آ ہیت و گپ کرسا پارینے کہ اسپورٹس بورڈ پنجاب کبڈی ورلڈ کپ اڈ ترسا تاریخ اس رقم کرے ۔