ملک اٹ فٹ بال نا ٹیلنٹ گراس روٹ کہول آ کلب و اکیڈمی تا کمک اٹ مون آ بریک‘ایاز خان

سوات(مانیٹرنگ ڈیسک) سوات یوتھ فٹ بال اکیڈمی نا کوچ ایاز خان پارینے کہ ملک اٹ فٹ بال نا ٹیلنٹ گراس روٹ کہول آ کلب و اکیڈمی تا کمک اٹ مون آ بننگ کیک، دا ٹیلنٹ ءِ مون آ اتنگ کن حکومت و پاکستان فٹ بال فیڈریشن ءِ جوان گام گیج کننگ نا گرج ءِ۔ تدوک آ دے میڈیا تون ہیت وگپ کرسا او پارینے کہ سوات اٹ فٹ بال نا ٹیلنٹ نبا کمتی اف وخت اس کہ وسیلہ غاتا کمتی نا سوب آن دا ٹیلنٹ نا زیان مننگ نا گمان ارے۔ او پارینے کہ گوازی گرک ملک انا سلاہکار انا درجہ ءِ تخرہ، گوازی گرتا کمک اٹ ایلو ملک آتون حال احوالی ءِ ودفنگ نا وارخواہی رسینگک۔ کروانا وائرس نا دَین نا بابت اٹ اسہ سوج اسے نا ورندی ٹی او پارینے کہ گوازی گرک کورونا وائرس نا بابت اٹ ہچ ءُ لاپرواہی اس بایدے کپس۔ کورونا وائرس نا دَین آن دا وخت آ مچ آ دنیا ءِ تینا پلویڑ اٹی ہلکنے۔ وخت اس کہ گوازی تا پِڑ تے ویران کرینے۔ او پارینے کہ گوازی گرک اُراتیٹی تینا فزیکل فٹنس و کُن خور آ بایدے سجفر تانکہ کورونا وائرس نا دَین نا سوب آن اوفتا فزیکل فٹنس اٹ کمتی بف او قوت مدافعت ہم کم مف۔