رحمت صالح بلوچ نا کنڈ آن ٹیچنگ ہسپتال کن دارو بشخنگا

پنجگور، پنجگور اٹی نیشنل پارٹی نا بنجائی راہشون و صوبائی اسمبلی ٹی ڈپٹی پارلیمانی لیڈر میر رحمت صالح بلوچ نا کنڈ آن ٹیچنگ ہسپتال پنجگور کن دوائی و اِرا ہزار آن زیات حقدار وب یوس چنا و زالبول آتیٹی لتر بشخ وپانٹ کننگا۔ نیشنل پارٹی نا بنجائی راہشون و صوبائی اسمبلی نا باسک میر رحمت صالح بلوچ نا کنڈ آن تحصیل صدر تاج بلوچ ٹیچنگ ہسپتال پنجگور کن دارو و حقدار و غریب چنا و زالبول آتے لتر فراوان کننگا‘ ہرافک ہسپتال نا ایم ایس ڈاکٹر عبدالغفار بلوچ و سرجن ڈاکٹر سالم ءِ تننگار‘ دا وخت آ اِرا ہزار آن زیات غریب‘ حقدار چنا و زالبول آتیٹی بیننگ کن لتر ہم بشخ وپانٹ کننگا۔ دود اٹ نیشنل پارٹی نا ضلعی سوشل میڈیا سیکرٹری محب کریم بلوچ، تحصیل ڈپٹی سیکرٹری زاہد آمین بلوچ، تحصیل خازن نواز بلوچ، پیرامیڈیکل اسٹاف نا جاوید کچکول بلوچ و جنرل سیکرٹری سیدی کریم بلوچ، ثناء پذیر بلوچ و ایلوفک ساڑی ئسر۔