پنجگور،ڈپٹی کمشنر جہانزیب بلوچ تون ورنا تا ڈَل اسے نا اوڑدہی

پنجگور، پنجگور اٹی ڈپٹی کمشنر جہانزیب بلوچ تون اونا دفتر اٹی حکومت بلوچستان نا کنڈ آن B-TEVTA پروگرام نا رد اٹ پیشن نا ملک اٹی روزگار کن ویب سائٹ آ اپلائی کروک ورناک اوڑدہی کریر، و حکومت نا کنڈ آن دا پروگرام نا ستاءِ کریر۔ دا وخت آ ڈپٹی کمشنر ورنا تے حکومتِ بلوچستان نا دا پروگرام نا بابت ودیک آگاہی فراوان کرے و معلومدار کرے کہ درخواست جمع کرفوک آ اومیتدوار آتا انٹرویو 9 نومبر آ حب اٹی اڈ مریک‘ او پارے کہ دا پروگرام نا رد اٹ اسکلڈ و ان اسکلڈ لیبر ہڑتوم آتیکن پیشن ملک اٹی روزگار نا وارخواہیک فراوان کننگرہ، وخت اس کہ گرج انا رِد اٹ ورناتے چندی بشخ آتیٹی ہیلکاری ہم تننگک، تاکہ او درکار ہیلکاری دوئی کرسا پیشن ملک اٹی ملازمت نا وارخواہی تیاں فائدہ ہرفر۔