چین نا حکمرانی ناوڑ و زرگزرانی شونداری نا آزموندہ پاکستان کن راہشونی فراوان کننگ کیک، یوسف رضا گیلانی

اسلام آباد، چیئرمین سینٹ سید یوسف رضا گیلانی پاکستان و چین نا نیام اٹی پارلیمانی کمکاری، ادارہ ئی رابطہ و تین پہ تینی آزموندہ غاتا ہل وتس ءِ پین شون تننگ نا گرج آ زور شاغسا پارینے کہ چین نا حکمرانی ناوڑ، ادارہ ئی شونداری، مریس وختی ڈٹ بندی و و زرگزرانی بدلی نا آزموندہ پاکستان نا کانود ساز و پالیسی ساز ادارہ غاتے سوگو کننگ کن قدر و شرف نا راہشونی فراوان کننگ کیک‘ پاکستان چائنا ریسرچ سنٹر فار پارٹی اینڈ اسٹیٹ گورننس نا بنائی دود آن خاص انگا مہمان نا وڑ اٹ تران کرسا چیئرمین سینٹ پارے کہ پاکستان و چین نا سنگتی وتین پہ تینی شرف، پت و السی رابطہ غاتا سوگو آ بنداو آتیاٹے‘ ہرادے پین سوگو جوڑ کننگ کن پارلیمانی و ادارہ ئی کہول آ کمکاری المی ءِ‘ چیئرمین سینٹ کمیونسٹ پارٹی آف چائنا (سی پی سی) نا بنجائی کمیٹی نا جہانی بشخ انا وزیر لیو ہائی شینگ و اونا ڈل ءِ پاکستان آ بننگ آ بخیر اٹ پارے۔