کشارگر آتے پوسکنوڑ کشاری آسراتی تا فراوانی حکومت نا اولیکو اولیت ءِ‘ رانا ثناء اللہ
Get real time updates directly on you device, subscribe now.
اسلام آباد، وزیراعظم نا سلاہکار سیاسی و السی باندات سینیٹر رانا ثناء اللہ خان پارینے کہ کشارگر آتے پوسکنوڑ کشاری آسراتی تا فراوانی، اوفتے زرگزرانی وڑ اٹ وتواجہ جوڑ کننگ و کشاری بشخ ءِ سوگو بنداو آتیا شون تننگ حکومت نا اولیت آتیٹی اوار ءِ‘ گرین ٹریکٹرز و ”اپنا کھیت اپنا روزگار“ کون آ اسکیم آک نئے بیرہ کشارگر تا پیداواری لائخی تے ٹی ودکی کیرہ بلکہ اوفتے شرف اٹ روزگار و زرگزرانی سوگوی نا وارخواہی ہم فراوان کیرہ‘ دا خیال آتا درشانی ءِ او ایوب کشاری پٹ وپولی ادارہ فیصل آباد اٹی پنجاب حکومت نا گرین ٹریکٹر اسکیم فیز فور و ”اپنا کھیت اپنا روزگار“ اسکیم نا رد اٹ سرسہب کشارگر آتیٹی ٹریکٹر آتا کلیت و کمکی زر تا پے آرڈر بشخ وپانٹ کننگ نا دود آن تران کرسا کرے۔