اِرا دے ئی ویمن انٹرپرینیورز نیٹ ورک نمائش (WEXNET) سرسہبی اٹ ایسر مس
Get real time updates directly on you device, subscribe now.
کوئٹہ، بلوچستان بورڈ آف انویسٹمنٹ اینڈ ٹریڈ (BBoIT) و ٹریڈ ڈویلپمنٹ اتھارٹی آف پاکستان (TDAP) نا اسیجائی کمکاری اٹ اڈ ہلوک اِرا دے ئی ویمن انٹرپرینیورز نیٹ ورک نمائش (WEXNET) سرسہبی اٹ ایسر مس۔ بیوٹمز ایکسپو سنٹر کوئٹہ ٹی اڈ ہلوک گڈیکو دود آن بلوچستان بورڈ آف انویسٹمنٹ اینڈ ٹریڈ نا وائس چیئرمین بلال خان کاکڑ تران کرسا نمائش نا سرسہبی آ است جمی نا درشانی ءِ کرے و پارے کہ دا پروگرام ننا اومیت آن زیات سرسہب مسنے۔ او پارے کہ نمائش اٹی مچ آ بلوچستان آن زالبول کاروباری شخصیت و ہنرمند زالبول آتے تینا مصنوعات و لائخی تا نشان تننگ نا جوان وارخواہی فراوان کننگا۔ ہراڑان نئے بیرہ اوفتا است بڈی مس بلکہ اوفتے پوسکن آ کاروباری منڈی و وارخواہی تسکان رسینگ گیگ انا گمانک ہم دوئی مسر۔