میر سرفراز بگٹی نا برخلاف سوشل میڈیا غامنظم وڑ اٹ منفی پروپیگنڈہ کننگ انگ ءِ‘شاہد رند
Get real time updates directly on you device, subscribe now.
کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند وزیراعلیٰ ہاؤس آ چھاپہ تون تعلقدار سوشل میڈیا غا پیری کروک آ حوال وغوغا تیاسخت ترند ردِعمل ترسا اوفتے بے بنداو، تینے آن گڑوک و راستکی تیان چَپ گوندانے او پیدوار کرے کہ نئے دن ءُ واقعہ اس مسنے و نئے وزیراعلیٰ ہاؤس آ چھاپہ اس خلنگانے۔ اسہ بیان اسے ٹی شاہد رند پارے کہ وزیراعلیٰ بلوچستان میر سرفراز بگٹی نا برخلاف سوشل میڈیا غا منظم وڑ اٹ منفی و گمراہ کروک پروپیگنڈہ کننگ انگ ءِ‘ ہرانا مسخت وزیراعلیٰ نا کڑدار کشی و صوبہ ٹی بے یقینی و بے باوری نا چاگڑد اس ودی کننگ ءِ۔