پولیو نا پورو چٹفنگ حکومت بلوچستان نا اولیت آتیٹی اوار ءِ‘ فریدہ ترین
Get real time updates directly on you device, subscribe now.
صحبت پور، ڈپٹی کمشنر فریدہ ترین پارینے کہ پولیو نا پورو چٹفنگ حکومت بلوچستان نا اولیت آتیٹی اوار ءِ‘ چناتے مچ زند انا نیم جانی آن بچفنگ کن لمہ باوہ و الس نا کمکاری المی ءِ او پارے کہ حکومت بلوچستان صوبہ غان پولیو نا پورو چٹفنگ کن سنجیدہ و بھرمی گام گیج کننگ اٹی ءِ‘ پولیو کون آ کسفوک و نیم جان کروک ناجوڑی نا چٹفنگ وخت انا اہم گرج ءِ‘ ہراڑکن حکومتی کوشست آتتون اوار السی کمکاری ہم بھاز المی ءِ‘ او پارے کہ لمہ باوہ و راج نا کل تپہ غاک بایدے پولیو نا برخلاف برجا قومی مہم اٹی تینا پبی کڑد ءِ ادا کیر و پنچ سال اسکان نا وئی انا ہر چناءِ پولیو آن بچفنگ ناپڑی المی کنفر تاکہ بروک آ نسل آتے دا ناجوڑی آن رکھوک جوڑ کننگ مرے۔ دا خیال آتا درشانی ءِ او پولیو مہم تور نا بابت اڈ ہلوک دیوان نا کماشی ءِ کرسا کرے۔