ضلع ہرنائی ٹی پولیو تور نا مسہ دے ئی قومی مہم نا باقاعدہ بنا
Get real time updates directly on you device, subscribe now.
ہرنائی، ضلع ہرنائی ٹی پولیو تور انا مسہ دے ئی قومی مہم نا باقاعدہ بنا کننگانے، ہرانا رد اٹ 2 نومبر آن 4 نومبر 2026ء اسکان مچ آ ضلع ٹی پنچ سال اسکان نا وئی انا چناتے پولیو آن بچفنگ نا پڑی کنفنگک۔ مہم نا بنا ایڈیشنل ڈپٹی کمشنر ہرنائی محمد سلیم ترین ڈسٹرکٹ ہیڈ کوارٹر ہسپتال ہرنائی ٹی چناتے پولیو آن بچفنگ نا پڑی کنفسا کرے۔ دا وخت آ سپرنٹنڈنٹ ڈسٹرکٹ ہیڈ کوارٹر ہسپتال میر سیف اللہ مری و محکمہ جانجوڑی نا ضلعی ٹیم ہم ساڑی ئس۔ بنائی دود انا شریدار و میڈیا نمائندہ غاتتون گپ و تران کرسا ایڈیشنل ڈپٹی کمشنر محمد سلیم ترین پارے کہ چناتے مچ زند انا نیم جانی آن بچفنگ کن پڑی کنفنگ بھاز المی ءِ‘ ہندا سوب آن لمہ باوہ غاک دا قومی فرض نا سرتننگ اٹ تینا کڑد ءِ ادا کیر۔