بخت محمد کاکڑ نا ٹراما سینٹر سول ہسپتال کوئٹہ نا دورہ

کوئٹہ، صوبائی وزیر جانجوڑی بلوچستان بخت محمد کاکڑ ٹراما سینٹر سول ہسپتال کوئٹہ نا اناگت دورہ ءِ کرے، ہراڑے او ناجوڑ آتے فراوان کروک طبی آسراتی، دارو تا ساڑی گری و درمان نا بست وبند آتا جاچ ءِ ہلک۔ دا وخت آ ڈائریکٹر جنرل ہیلتھ ڈاکٹر امین مندوخیل ہم اوڑتون اوار ئس۔ دورہ نا وخت آ منیجنگ ڈائریکٹر ٹراما سینٹر ڈاکٹر ہادی کاکڑ صوبائی وزیرِ جانجوڑی ءِ سینٹر نا جم کارکڑد‘ طبی آسراتی، ایمرجنسی سروسز و ناجوڑ آتے فراوان کروک خذمت تون تعلقدار جم بریفنگ تس۔ صوبائی وزیرِ جانجوڑی ٹراما سینٹر اٹی درمان مروک ناجوڑ آتتون اوڑدہی کرے و اوفتیان درمان، دارو تا فراوانی و طبی آسراتی تا بابت سوج کرے‘ ناجوڑ آتے المی دارو تا فراوانی و درمان نا بست وبند آتا جاچ ءِ ہلنگ آن پد او است جمی نا درشانی ءِ کرے و دارو تا دوئی مننگ آ خوشی نا درشانی ءِ کرے۔