روس انا کیف آ میزائل و ڈرون جلہو، اسہ بندغ اس زوال

کیف، یوکرین نا دارالحکومت کیف آ روس انا میزائل و ڈرون جلہو اٹی اسہ بندغ اس زوال و 22 بندغ ٹھپی مسنو، ہرافتے ٹی اسہ چنا اس ہم اوار ءِ۔ ایسوسی ایٹڈ پریس نا رِد اٹ جلہو تیان ہنکینی ماڑی، شاری میرات و ٹرانسپورٹ نا بنداوی پنجر ءِ نسخان رسینگا، وخت اس کہ شار انا ضلع دنیپرووسکی ٹی ہم بھسکاری نا حوال آک مون آ بسر۔ رپورٹ نا رِد اٹ دا جلہو آک ہمو وخت آ مسر ہراتم روس انا کنڈ آن امریکہ نا نیام تمنگ اٹ یوکرین تون امن مذاکرات دوارہ بنا کننگ آ امنائی نا درشانی کننگاسس۔ روسی صدر ولادیمیر پیوٹن پاننگوک وڑ اٹ امریکہ، روس و یوکرین نا نیام اٹی سہ فریقی مذاکرات نا بحالی آ اصولی امنا کرے سلاہ ئی مذاکرات نا گمانی وخت اتون تعلقدار امریکی نیامی مد انا گچین کاری، ہرافک 3 نومبر آ مروئی ءُ، آن پد مذاکرات نا بنا مننگ نا گمان درشان کننگانے۔