پیشن ملک تولوک یوٹیوبر آک پی ٹی آئی نا دشمن ءُ، خواجہ آصف

اسلام آباد، وزیر دفاع خواجہ محمد آصف پیشن ملک تولوک یوٹیوبر آتے پاکستان تحریک انصاف کن نسخان نا سوب گوندسا پارینے کہ دا یوٹیوبر آک پیشن ملک اٹی رکھوک تولسا ڈالر کٹنگ اٹی ءُ، وخت اس کہ اوفتا منفی و خارتس پوسٹ آتا نسخان ءِ پاکستان اٹی ساڑی پی ٹی آئی ءِ ہرفوئی تمنگ ءِ‘ راجی رابطہ نا ویب سائٹ ‘ایکس’ آ تینا بیان اٹی خواجہ آصف پیشن ملک تولوک یوٹیوبر آتیا تنقید کرسا پارے کہ دا وڑ ءُ حالیت اس مستین اٹی ہچ گہس خننگ تنے کہ ہرا بندغ نا مخ تفی نا دعویٰ کننگ انگ ءِ، ہندا اونا آزمائشت و مشکل آتے بہا کرسا ڈالر کٹنگ اٹی ءُ۔ وزیر دفاع پارے کہ ہراتم پی ٹی آئی نا حکومت ئس، ہمو وخت ہم دا یوٹیوبر آتا عئید ئس، ولے داسہ جماعت اقتدار اٹی اف تو ہم اوفتا جیب آک پر مننگ اٹی ءُ۔