گورنر بلوچستان نا کوئٹہ طیارہ شکست آ است ہسونی نا درشانی

کوئٹہ، گورنر بلوچستان جعفرخان مندوخیل کوئٹہ ٹی پاک فوج انا ہیلکاری طیارہ نا تکنیکی خرابی نا سوب آن پیش بروک شکست آ ڈکھ و ارمان نا درشانی ءِ کرینے۔ او شکست اٹ انسٹرکٹر پائلٹ میجر حسنین شہزاد ہمایوں و اسٹوڈنٹ پائلٹ کیپٹن عبدالصمد نا شہادت آ ڈکھ و ارمان نا درشانی ءِ کرسا اوفتا پدخاہوت تون است ہسونی و ہمدردی نا درشانی ءِ کرے۔ گورنر مندوخیل پارے کہ ہڑتوم آ افسر آتا شہادت اسہ است ہسون ءُ سانحہ اسے۔ جعفر خان مندوخیل پدخاہوت آتتون پورو یکجہتی نا درشانی ءِ کرسا دعا کرے کہ اللہ تعالیٰ شہید آتے جنت اٹ جاگہ ایتے وپد خاہوت آتے دا بے بدل نسخان ءِ صبر و ہمت اٹ سگنگ نا توفیق ایتے۔