وزیراعظم و امیر جماعت اسلامی نا نیام اٹ زُوت اوڑدہی نا گمان

اسلام آباد، وزیراعظم میاں شہباز شریف و امیر جماعت اسلامی حافظ نعیم الرحمن نا نیام اٹی زوت اوڑدہی نا گمان ءِ و رانا ثناء اللہ وزیراعظم نا کلہو ءِ امیر جماعت اسلامی اسکان تینٹ رسیفینے۔ وزیراعظم و حافظ نعیم نا اوڑدہی آن مست حکومت و جماعت اسلامی نا مذاکراتی کمیٹی تا دیوان مریک۔ سلاہکار وزیراعظم رانا ثناء اللہ جماعت اسلامی نا نائب امیر لیاقت بلوچ ءِ فون کرسا کلہو سر کرے کہ وزیراعظم شہباز شریف قول انا رِد اٹ امیر جماعت اسلامی حافظ نعیم الرحمن تون اوڑدہی کننگ خواہک۔ وزیراعظم و امیر جماعت اسلامی نا اوڑدہی آن مست مذاکراتی کمیٹی تا دیوان آ ہم سلابت مریک‘‘ جماعت اسلامی نا رِد اٹ کمیٹی تا دیوان اٹی لیوی نا چٹفنگ کن پیدوار ایجنڈا و ٹِک آتیا ہیت مریک۔ لیاقت بلوچ پارے کہ پیٹرولیم لیوی بھتہ نا چٹفنگ الس کن حقی ریلیف مریک۔ لیاقت بلوچ پک کرے وزیراعظم نا خواست آ سُپر لانگ مارچ اٹی وقفہ کننگاسس۔ لیوی بھتہ نا برخلاف جلسہ و محضر نامہ غاتیا السی دستخطی مہم برجاءِ۔ ہرا وخت اسکان الس کن بھلو ریلیف پیکج اس دوئی کپن جماعت اسلامی نا تحریک برجا سلک۔