عبدالملک تاج نا گورنمنٹ بوائز ہائی اسکول سمالن سنجاوی نا دورہ
Get real time updates directly on you device, subscribe now.
سنجاوی، وزیراعلیٰ بلوچستان میر سرفراز بگٹی نا وژن نا رِد اٹ ضلع زیارت اٹی سرکاری تعلیمی ادارہ غاتیٹی تعلیمی آب انا گچینی و طالب علم آتا تعلیمی واکداری تا جاچ ءِ ہلنگ نا رد اٹ ڈسٹرکٹ آفیسر ایجوکیشن زیارت عبدالملک تاج گورنمنٹ بوائز ہائی اسکول سمالن سنجاوی نا دورہ ءِ کرے۔ دورہ نا وخت آ اسکول نا ہیڈ ماسٹر محمد یوسف دمڑ و گورنمنٹ ٹیچرز ایسوسی ایشن بلوچستان (GTAB) نا صدر محمد نور دمڑ ہم ساڑی ئس۔د اوخت آ ڈسٹرکٹ آفیسر ایجوکیشن طالب علم آتیان سوج ارفے تاکہ اوفتا تعلیمی لائخی‘ سبخ نا پہہ مننگ و ہیل کننگ نا لائخی تا جاچ ءِ ہلنگ مرے۔ طالب علم آک گچین وڑ اٹ سوج آتا ورندی تے تسر و تینا علمی کچ‘ ذہانت و علم دوئی کننگ نا جوزہ نا درشانی ءِ کریر۔