عطا شاد ڈگری کالج تربت اٹی جہانی یومِ ذہنی جانجوڑی نا وخت آ پروفیسر غلام رسول خالد آڈیٹوریم اٹی آگاہی سیمینار اڈ تننگا
Get real time updates directly on you device, subscribe now.
تربت، عطا شاد ڈگری کالج تربت اٹی جہانی یومِ ذہنی جانجوڑی نا وخت آ پروفیسر غلام رسول خالد آڈیٹوریم اٹی آگاہی سیمینار اڈ تننگا‘‘ سیمینار نا مسخت طالب علم و استاد آتیٹی ذہنی جانجوری‘ ذہنی فریشانی تون مون تننگ نا وڑوڈول و جم نفسیاتی آسودہی نا حوالہ ترسا شعور بیدار کننگ ئس سیمینار اٹی مکران میڈیکل کالج نا ایسوسی ایٹ پروفیسر و کنسلٹنٹ سائیکاٹرسٹ ڈاکٹر شعیب احمد کاشانی مہمان ترانکار ناوڑ اٹ بشخ ہلک، وخت اس کہ لیکچرر شعبہ نفسیات امان یوسف نظامت نا زمواری تے انجام تس۔ تینا تران اٹ ڈاکٹر شعیب احمد کاشانی جہانی یومِ ذہنی جانجوڑی نا تاریخ آ ہیت کرسا پارے کہ 10 اکتوبر آ ذہنی جانجوڑی نا بابت آگاہی ودی کننگ کن جہانی کہول آ خاص دے انا دروشم اٹی اڈ تننگ نا اہمیت انت ءِ۔