نائب وزیراعظم و وزیرخارجہ اسحاق ڈار تون جرمنی کن پاکستان نا پندار سفیر سلمان شریف نا اوڑدہی

اسلام آباد، نائب وزیراعظم و وزیرخارجہ اسحاق ڈار تون جرمنی کن پاکستان نا پندار سفیر سلمان شریف اوڑدہی کرے۔ نائب وزیراعظم و وزیر خارجہ سلمان شریف ءِ اونا تقرری آ مبارکبادی تس و پاکستان و جرمنی نا تعلقداری تے، خاص کر اقتصادی کمکاری ءِ ودفنگ و واپار و زرکاری نا مون آ دننگ نا بابت پین سوگو کننگ نا اہمیت آ زور شاغا۔ او دا ہیت آ ہم زور شاغاکہ جرمنی ٹی رہینگوک پاکستانی کمیونٹی تون خڑکی رابطہ، اوفتا راجی آسودہی کن کمک و گچین قونصلر خذمت آتا فراوانی سفارت خانہ نا اہم اولیت آتیٹی اوار بایدے مرے۔ نائب وزیراعظم و وزیر خارجہ وزیراعظم آفس اٹی جوائنٹ سیکرٹری نا حیثیت اٹ سلمان شریف نا مسکوہی خذمت آتا ستاءِ کرے و پوسکن آ زمواری تیکن اونا سرسہبی کن نیک است خواہی نا درشانی ءِ کرے۔