بنجائی وزیر داخلہ نا قطبی وزیرستان اٹی فتنۃ الخوارج نا برخلاف سرسہب آپریشن آ سیکورٹی فورس آتے خراج تحسین
Get real time updates directly on you device, subscribe now.
اسلام آباد، بنجائی وزیر داخلہ محسن نقوی قطبی وزیرستان اٹی فتنۃ الخوارج نا برخلاف سرسہب انٹیلی جنس بیسڈ آپریشن آ سیکورٹی فورس آتے خراج تحسین پیش کرینے۔ جمعہ نادے آ وزارت داخلہ غان جاری بیان نا رداٹ بنجائی وزیر داخلہ وخت آ کارروائی ٹی 7 خوارجی تے دوزخی کننگ آ سیکورٹی فورس آتا بدل مفروک عزم و بڑزکو کسی لائخی تا ستاءِ کرے۔ محسن نقوی پارے کہ مچ آ قوم دہشت گردی نا پورو چٹفنگ کن تینا بہادر سیکورٹی فورس آتون ہم کوپہ سلوک ءِ۔ او دشمن زموار آتے خبڑدار کرسا پیدوار کرے کہ خوارجی تے ملک انا اسہ کونہ اسے ٹی ہم ڈکھنگ کن جاگہ ملیپک۔ بنجائی وزیرداخلہ پارے کہ ”عزم استحکام“ وژن نا رداٹ دہشت گرد آتا برخلاف بے پرخ کارروائی پورو واک اتون برجاءِ و امن نا پورو قیام اسکان دا کارروائیک بے سلنگ آن برجاسلرہ۔