مذاکرات نا سرسہبی کن بانی تون اوڑدہی المی ءِ، علامہ ناصر عباس

اسلام آباد، اپوزیشن لیڈر سینیٹر علامہ ناصر عباس پارینے کہ حکومت و پاکستان تحریکِ انصاف (پی ٹی آئی) نا نیام اٹی مذاکرات نا سرسہبی کن بانی پی ٹی آئی تون اوڑدہی المی ءِ، انتئے کہ بانی نا توثیق آن بیدس مذاکرات بے معنی مریک۔ پارلیمنٹ ہاؤس اٹی میڈیا تون گپ کرسا سینیٹر علامہ ناصر عباس بیرسٹر گوہر نا ہند آ بنجائی وزیرِ داخلہ محسن نقوی تون مروک آ اوڑدہی نا حوال ءِ پک کرسا پارے کہ اوڑدہی نا مسخت فریق آتا نیام اٹی منہ اسیجائی ٹک و ایجنڈا تیار کننگ نا کوشست کننگ ئس۔ او پارے کہ اوڑدہی نا وخت آ محسن نقوی تون مذاکرات ءِ سرسہب کننگ نا رد اٹ ہم سرجم ہیت و گپ مس۔ اونا پاننگ ئس کہ اگہ سیکورٹی نا ویل آتے سیاسی باندات آتتون گنڈنگ متوکہ تو مذاکرات نا رد اٹ اولیکو گام مہالو ہرفنگ مسکہ۔