سیوی، حقدار طالب علم آتے کن بیف اسکالرشپ نا بابت سیشن
Get real time updates directly on you device, subscribe now.
سیوی، وزیراعلیٰ بلوچستان میر سرفراز بگٹی نا خصوصی پرمان و صوبائی حکومت نا تعلیمی پالیسی نا رد اٹ حقدار و لائخ طالب علم آتے بڑزکو کہولی تعلیم نا وارخواہی فراوان کننگ کن بلوچستان ایجوکیشن انڈومنٹ فنڈ (BEEF) اسکالرشپس نا رد اٹ اسہ خصوصی آگاہی سیشن اس اڈ ہلک۔ آگاہی سیشن چیف ایگزیکٹو آفیسر BEEF خالد خان مان his, ڈپٹی کمشنر سیوی میجر (ر) الیاس کبزئی نا کماشی اٹی اڈ ہلک، ہراٹی اسسٹنٹ کمشنر سیوی میر بہادر خان بنگلزئی، محکمہ تعلیم نا افسر آک، چندی کالج آتا پرنسپل، سرکاری تعلیمی ادارہ غاتا ہیڈ ماسٹر و ہیڈ مسٹریس، شرفمند آ متبر آک، و بھلو کچ اسے ٹی طالب علم آک بشخ ہلکر۔ سیشن نا بنداوی مسخت طالب علم آتے BEEF اسکالرشپ پروگرام نا وڑ و ڈَول، بود انا آب، و دوئی تعلیمی وارخواہی تیان آگاہ کننگ ئس۔