گیس نا لوڈشیڈنگ الس نا زند ءِ عذاب کرینے، ایچ ڈی پی

کوئٹہ، ہزارہ ڈیموکریٹک پارٹی نا بنجائی بیان اٹی کوئٹہ شار و ایب کیب نا علاقہ غاتیٹی گیس پریشر اٹی ترند کمتی آ محکمہ سوئی سدرن گیس کمپنی نا کارکڑدگی آ ترند الفاظ آتیٹی تنقید نا شست کرسا پارے کہ علمدار روڈ، نچاری، طوغی روڈ، سید آباد، پیر محمد روڈ، کاسی روڈ، مومن آباد، مری آباد، ناصر آباد، ہزارہ ٹاؤن، نیو ہزارہ ٹاؤن، فیصل ٹاؤن، اے ون سٹی، ریلوے ہاؤسنگ اسکیم سمیت پورو کوئٹہ شار ءِ گیس پریشر اٹی کمتی نا مونی کروئی تمیک۔ اول تو دے اٹی کیہی وار لوڈشیڈنگ کرسا الس نا زند ءِ عذاب جوڑ کننگانے داڑآ ستم دادے کہ گیس نا اوقات کار اٹی بھی الس ءِ کم پریشر نا مونی کروئی تمیک۔ بیان اٹی پاننگا کہ داڑآن پد یخ نا موسم بروک ءِ و سوئی گیس یخ نا دے آتیٹی صارفین تیکن ایندھن نا کاریم ءِ انجام ایتک۔ اگر یخ اٹی بھی ہندا حالیت رہنگا تو یخ علاقہ تا پیر انگاک، ناجوڑ، زالبول، چناک و کسان بندغ تا ترند مشکلات تا ودی مننگ نا گمان آک ءُ۔