خیبرپختونخوا ٹی دہشت گردی ءِ امر کہ مرے توروئی تمک، وزیراعظم

اسلام آباد، وزیراعظم محمد شہباز شریف خیبرپختونخوا ٹی ودوک آ دہشت گردی آ گڑتی نا درشانی ءِ کرسا پارینے کہ دہشت گردی نا ناچوڑ ءِ امر کہ مرے تروئی تمک‘ حکومت خواہک کہ خیبرپختونخوا اٹی ہم ملک انا ایلو بشخ آتا وڑ اٹ شونداری وشونہالی نا سفر آ ترندی اٹ کاہے۔ او پارے کہ دہشت گردی نا برخلاف خیبرپختونخوا نا الس نا قربانی تا قدر ءِ کینہ‘ وزیراعظم دا خیال آتا درشانی ءِ بنجائی وزیر کشمیر و گلگت بلتستان باندات انجینئر امیر مقام تون اوڑدہی نا وخت آ کرے‘ اوڑدہی ٹی آزاد جموں و کشمیر، گلگت بلتستان و خیبرپختونخوا تون تعلقدار باندات آتیا جم گپ وتران کننگا۔ بنجائی وزیر انجینئر امیر مقام وزیراعظم ءِ آزاد جموں و کشمیر و گلگت بلتستان اٹی برجا باندات‘ پیشرفت و تعلقدار باندات آتیا بریفنگ تس۔ دا وخت آ وزیراعظم پارے کہ خیبرپختونخوا ٹی ودوک آ دہشت گردی ءِ امر کہ مرے توروئی تمک۔