بنجائی واپار وزیر تون جرمن سفیر اینا لیپل نا اوڑدہی

اسلام آباد، پاکستان و جرمنی تین پہ تینی واپاری‘ زرکاری و کاروباری رابطہ غاتے پین ودفنگ آ امنا کرینو۔ وخت اس کہ بنجائی واپار وزیر جام کمال خان جرمن کمپنی تے پاکستان اٹی زرکاری کننگ ناسلہ خلسا پارینے کہ ملک اٹی کشت وکشار‘ فوڈ پروسیسنگ، ٹیکنالوجی و مینوفیکچرنگ تون اوار کیہی بشخ آتیٹی زرکاری نا بھاز وارخواہی ارے‘ بنجائی وزیر تون جرمن سفیر اینا لیپل اوڑدہی کرے، ہراٹی پاکستان و جرمنی نا نیام اٹی واپاری و زرگزرانی کمکاری، زرکاری ءِ شون تننگ و کاروباری رابطہ غاتے پین سوگو کننگ نا باندات آ گپ وتران کننگا۔ اوڑدہی ٹی جام کمال خان جرمن کمپنی تے پاکستان اٹی زرکاری نا سلہ خلک‘ او پارے کہ پاکستان جی ایس پی پلس تون تعلقدار تینا جہانی زمواری تا پوروی کن سنبرینگوک ءِ۔