گورنر راج آخری آپشن، کانودی کسر تے ہُننگ اٹی اُن، خواجہ آصف

اسلام آباد، بنجائی وزیرِ دفاع خواجہ محمد آصف پارینے کہ گورنر راج حکومت نا گڈیکو آپشن مریک و حکومت پورو کوشست کننگ اٹی ءِ کہ حالیت آتے دا ہند اسکان سر کننگپ‘ ولے اگہ ہچ ءُ کسر اس سلتو تو دارالحکومت ءِ کس انا دوتیا النگ مننگ کپک۔ پارلیمنٹ ہاؤس اٹ میڈیا تون ہیت کرسا خواجہ آصف پارے کہ حکومت گورنر راج تون اور کل آئینی و کانودی آپشن تیا سجفنگ اٹی ءِ ولے پک فیصلہ ءِ حالیت ودوئی کسر تے مون آ تخسا کننگک۔او پارے کہ حکومت بنجائی دارالحکومت نا رکھ اکن کل آئینی و کانودی واکداری تے کاریم اٹ اتنگ نا حق تخک۔ او پارے کہ ہر اِرا مسہ تُو آن پد لشکر کشی نا کمک اٹ دارالحکومت آ جلہو نا موکل تفنگ مفک۔