کاروبار کروک آک رجسٹر مرسا ٹیکس نیٹ اٹ بریر، عبداللہ خان

گوادر، بلوچستان ریونیو اتھارٹی (بی آر اے) نا چیئرمین عبداللہ خان و ڈپٹی کمشنر گوادر نقیب اللہ کاکڑ نا نیام اٹی اہم ءُ اوڑدہی اس مس، ہراٹی ضلع گوادر اٹی ٹیکس بیس انا ودفنگ و بنگ دوئی کننگ ءِ گچین کننگ نا گام گیج آتا جاچ ءِ ہلنگا۔ دیوان اٹ چیئرمین بی آر اے پارے کہ کل کاروبار کروک و سروس فراوان کرواک آتے کانود نا رد اٹ رجسٹر کرسا ٹیکس نیٹ اٹی اوار کننگک۔ او بی آر اے و ضلعی انتظامیہ نا نیام اٹی خُڑک رابطہ، ڈیجیٹل نظام تا کاریم اٹ اتنگ، ٹیکس تروک آتے آسراتی تا فراوانی و کاروبار اٹی آسانی ءِ پک کننگ آ زور شاغا۔