تحصیل ناگ، گورنمنٹ گرلز ہائی اسکول اٹی استاد دے نا دود

ناگ، ضلع واشک نا تحصیل ناگ نا گورنمنٹ گرلز ہائی اسکول اٹی استاد دے آ دود اس اڈ تننگا۔ دود اسکول نا انچارج مس مہرالنساء نا کماشی ٹی اڈ ہلک، ہراٹی اسکول نا استاد و مسڑ طالب علم آک بشخ ہلکر۔ دود انا مسخت استاد آتا تعلیمی، اخلاقی و راجی خذمت آتے خراجِ تحسین پیش کننگ و طالب علم آتیٹی استاد آتا شرف انا جوزہ ءِ پاش کننگ ئس۔ دا وخت آ طالب علم آک تینا استاد آتا خذمت آتا ستاءِ کریر۔ نظم و پین چندی پروگرام تے پیش کریر ہرافتے ہُروک آک بھاز دوست توریر۔ طالب علم آک تینا تران تے ٹی پاریر کہ استاد راج انا جوڑ کننگ و شونداری ٹی بنداوی کڑد ادا کیک۔ اسہ گچین ءُ استاد اس بیرہ طالب علم آتے کتابی علم تفک بلکہ اوفتا اخلاقی ہیلکاری‘ کڑدار و گچین آخبت نا ٹہیفنگ اٹ ہم اہم کڑد ادا کیک۔ (نامہ نگار)